கற்பனைத் தானே வாழ்வினைக் காட்ட
கருவுடன் எண்ணமாய் வார்க்கும்
அற்புதச் செயல்கள் விளைந்திட வைக்கும்
அனைத்திலும் கற்பனைப் பூக்கும்
நற்பலன் கிட்ட எதிர்வரும் காலம்
நம்பியே துணிவுடன் செல்லும்
பற்பலக் கடமை யாவுமே எண்ணப்
பயனென உறுதியாய்ச் சொல்லும்
கனவெனும் கணவன் மனமெனும் மனைவிக்
கலந்திடும் போழ்தினில் “எண்ணம்”
நனவெனும் வாழ்வுத் தொட்டிலில் உதிக்கும்
நல்லதாம் சிசுவினின் வண்ணம்
தினமுமே யுண்ணு முணவிலும் நேர்த்தித்
தெரிவுட னுடுத்திடு முடையும்
மனதினில் தோன்றும் கற்பனைக் கூற்றின்
மறுபுறக் காட்சியின் விடையாம்
--
”கவியன்பன்” கலாம
0 கருத்துகள் :
கருத்துரையிடுக