உனையெப் பொழுதும் உற்று நோக்குவான்
தண்டிப் பதிலவன் தலைமை நீதி யரசன்
கண்டிப் பதிலவன் கண்ணெதிர் கடவுள்
நீங்காப் பாவம் நீசெய் தாலும்
தூங்கா மலுன்னைத் துரத்தி யடிப்பான்
பொய்ச்சான் றொன்றப் புளுகி னாலும்
மெய்யில் பயத்தை மெய்யாய்த் தருவான்
கண்வழி யுன்னைப் காட்டிக் கொடுப்பான்
மண்ணில் நீயும் மரணித் தாலும்்
இம்மையில் மறுக்கும் எத்தனை பாவங்கள்
செம்மையாய்க் தண்டனை தெரிய வைத்து
உண்மையைப் போட்டுநீ உணரும் வண்ணம்
திண்மையாய் உன்னைத் திணற டிப்பான்
வெறுமையாய் நீநினைத் தாலும்
மறுமையில் எதிரி மனச்சான் றொன்றே!
"கவியன்பன்" கலாம்
0 கருத்துகள் :
கருத்துரையிடுக