ஈரம்

ஈரமுள்ள நிலத்திற்றா னெழுந்துவரும் நல்விதைகள் 
ஈரமுள்ள மனதிற்றா னெழுதவரும் கவிதைகள் 
ஈரமுள்ள கர்ப்பத்தி லியங்கிவரும் குழந்தைகள் 
ஈரமுள்ள வுதடுகளி லெழும்காதற் போதைகள் 

ஈரமுள்ள வுறவுகளி லெப்பொழுதும் நன்மைகள் 
ஈரமுள்ள வுணர்வுகளி லிரக்கத்தின் தன்மைகள் 
ஈரமுள்ள இதயந்தா னிரத்தத்தி னோட்டமாகும் 
ஈரமுள்ள ஈகையினா லேழ்மையுமே யோட்டமிடும் 

ஈரப்பசையு மில்லையெனி லினியுறவும் தூரமாகும் 
ஈரமின்றி வாழ்ந்தாலே யில்லறமும் பாரமாகும் 
ஈரச்சு ருதியினின் னிசைதானி லையுமாச்சு 
ஈரக்காற் றில்லையெனி லென்னாகும் நம்மூச்சு 

ஈரமென்னு மீரெழுத்தே இக்கவியின்தலைப்பெழுத்து 
ஈரமென்னு மீரெழுத்தா லிப்புவியின் தலைநிமிர்த்து 
ஈரத்தைக் காட்டவில்லை ஈழத்தை மீட்கவில்லை 
வீரத்த மிழனின்னும் விழிக்கவில்லை விழித்தாரோ







”கவியன்பன்” கலாம்,