தெளிவாகச் சிந்தித்து நிம்மதியாய் முடிவுகளைத்
தெரிவு செய்வாய்
களிப்பான நேரத்தில் இறைவனது வழிபாட்டுக்
கடமை செய்வாய்
வெளிப்பார்வைப் பேச்சினிலே மயங்காது நண்பரிடம்
விரக்தி கொள்வாய் -
குளிப்பாட்டும் முடிவுடனே பழகுபவர் நரியினது
குணமாய்க் காண்பாய்
வாக்கெல்லாம் மீறிடுவர் சகவாச மில்லாது
மறுப்பே சொல்வாய்
நாக்கெல்லாம் பொய்யென்னும் தேன்தடவிப் பேசுபவர்
நட்பும் வேண்டாம்
போக்கெல்லாம் கோள்பேசித் திரிவோரைக் கண்டதுமே
புறமே ஓட்டு
நோக்கெல்லாம் சுயநலமா யுள்ளோரை *வெறுப்பாக*
நோக்கித் தள்ளு
"கவியன்பன்" கலாம்
0 கருத்துகள் :
கருத்துரையிடுக