கருவறை விட்டுக் கதறி வெளியே
திருமுகம் காட்டும் சிசுவின் விடுதலை
தெண்டிப் புடனே திமிறி யெழுந்துநீ
வண்டித் துணையுடன் வாகாய் நடைபழகும்
வாய்ப்புதான் பிள்ளைக்கு வாய்த்த விடுதலை
தாய்மொழி பேசித் தனியாகச் சிந்திக்கும்
தன்னம்பிக் கைபெறும் தன்னுள் விடுதலை
அன்னமிட்ட கையின் அரவணைப்பை விட்டுவிட்டு
தன்னந் தனியாகச் சற்றும் பயமின்றித்
தன்னை உயர்த்தத் தரணி பயணம்
விடுதலைக் காற்றை வியந்து சுவாசி
அடுக்களை நீங்கி அறிவைப் படிக்கத்
தொடங்கும் தருணம் துலங்கு மினிதாய்
அடங்கும் சுவாசம் அதுவே மரணம்
விடுதலை பெற்று விடுமுன்றன் வாழ்வும்
தொடுதலில் லாமல் துறந்து
"கவியன்பன்" கலாம்
0 கருத்துகள் :
கருத்துரையிடுக