குடியரசுக் கொண்டாட்டம் வருடந் தோறும்
*****குறைவின்றி விமர்சையுடன் நடந்த போதும்
விடியாத இரவினிலே பிறந்த நாட்டில்
*****விலைவாசி ஏற்றத்தைக் கட்டுப் பாட்டில்
முடியாத நிலைமைக்கு வந்த தாலே
*****முதலில்லா வியாபாரம் ஊழல் தானே
படியாத அரசியலார் போடும் வேசம்
***** பகற்கொள்ளை நடக்குமெங்கள் பார(த) தேசம்
புனிதமான ஆன்மீக வாழ்க்கை காணோம்
***** பொய்யுலகி னாசையிலே மூழ்கிப் போனோம்
மனிதமானம் என்னவென்று தெரியாக் காயம்
*****மலையேறிப் போனதிங்கு மனித நேயம்
இனிதானச் சொற்களுக்கிங் கிடமே யில்லை
*****இந்தியாவில் கொலைவெறிக்குப் புகழின்எல்லை
கனிவானக் கவிதையிலும் கலந்து போச்சு
*****கலப்படம்தான் கலைப்படமாய் விளைந்துபோச்சு
”கவியன்பன்” கலாம்.
0 கருத்துகள் :
கருத்துரையிடுக